Effaith rheoleiddio a chofrestru ar y gweithlu gofal plant preswyl: cymharu Cymru a Lloegr.

Trosolwg

Mae cofrestru a rheoleiddio staff o’r fath yn gallu cael effaith, nid yn unig ar y rheiny sydd wedi cofrestru, ond hefyd ar fywydau’r rhai sy’n defnyddio eu gwasanaethau. Fodd bynnag, nid oes ymchwil ddigonol sy’n mynd i’r afael â’r cwestiwn sylfaenol: a ydy’r dyheadau hyn yn cael eu gwireddu. Mae datganoli hefyd wedi gweld gwahaniaeth sylweddol rhwng gwahanol wladwriaethau’r DU o ran y fframweithiau rheoleiddio sy’n ymwneud â gofal cymdeithasol plant. Mae effaith y gwahaniaethau hyn o hyd yn faes sydd heb ddigon o ymchwil i mewn iddo.

Y nod yw ymchwilio i effaith gofrestru ar y gweithlu gofal plant preswyl. Dyma’r amcanion:

Datblygu theori rhaglen ar gyfer cofrestru a rheoleiddio gweithwyr gofal plant preswyl, a chaiff elfennau ohoni yna eu trin a’u trafod drwy ymdrin â meysydd eraill yn yr astudiaeth hon.

Darparu dadansoddiad o sut y mae’r broses gofrestru a rheoleiddio yn cael ei phrofi a’i deall gan aelodau’r gweithlu gofal plant preswyl a’r ddealltwriaeth sydd ganddynt o’i heffaith ar eu harferion a’u hunan-ddatblygiad; safon y gofal sy’n cael ei darparu; a chanlyniadau i bobl ifanc.

Cyfrannu at wybodaeth newydd a chynhyrchu cipolygon empirig at ddibenion deall effaith y fframweithiau rheoleiddio a llywio datblygiadau polisi rheoleiddio yn y dyfodol yng Nghymru, Lloegr a thu hwnt.

Mynd ati i ystyried ymarferoldeb o ddatblygu cynllun ymchwil hydredol posibl yn y dyfodol, ac i ymchwilio i’r effeithiau rheoleiddio yn y tymor hir ar y gweithlu a chanlyniadau i bobl ifanc.

Gweithgareddau a Dulliau

Mae hwn yn werthusiad aml-ddull, sy’n cynnwys y pecynnau gwaith canlynol:

Cynnal grwpiau ffocws a chyfweliadau ag ystod eang o randdeiliaid i ddatblygu model rhesymeg a theori rhaglen o ran cofrestru, ac fe gaiff elfennau ohonynt eu rhoi ar brawf mewn pecynnau gwaith dilynol.

Creu arolwg ar-lein ar gyfer staff cofrestredig mewn cartrefi preswyl plant yng Nghymru a Lloegr sy’n ystyried
sut y maent yn deall ac yn profi’r broses o gofrestru a rheoleiddio staff.

Cyfweliadau lled-strwythuredig a gynhelir ar draws dau gyfnod gwahanol gyda gweithwyr (n=50) sy’n dechrau eu gyrfa mewn gweithlu gofal plant preswyl
yng Nghymru a Lloegr, ac a fydd yn ystyried eu profiadau o’r broses ymsefydlu yn y swydd a pha mor barod ydynt ar ei chyfer.

Creu astudiaeth ddichonoldeb er mwyn datblygu cynllun astudiaeth a fyddai’n caniatáu ystyried yr effaith rheoleiddio yn y tymor hir, gan gynnwys ar ganlyniadau i blant a phobl ifanc

Canfyddiadau

Mae’r prosiect hwn yn mynd rhagddo.