Nod CASCADE yw gwella lles, diogelwch a hawliau plant a’u teuluoedd.
Rydym yn gwneud hyn drwy gynhyrchu gwybodaeth newydd am ofal cymdeithasol i blant yn ogystal â rhannu gwybodaeth newydd a chyfredol mewn ffyrdd sy’n helpu gwasanaethau.
Rydyn ni’n ymwneud â phob agwedd ar ymatebion cymunedol i anghenion cymdeithasol plant a theuluoedd megis gwasanaethau cymorth i deuluoedd, gwasanaethau i blant anghenus, amddiffyn plant, plant o dan ofal a mabwysiadu.
Diweddariadau CASCADE
Cyflwyno ein Hadroddiad Blynyddol
Mae’r flwyddyn ddiwethaf wedi nodi pennod newydd bwysig i Bartneriaeth CASCADE wrth i ni ddechrau ar ein blwyddyn gyntaf o gyllid cynnal gan Ymchwil Iechyd a Gofal Cymru. Gan adeiladu ar gyflawniadau ein dyfarniad seilwaith blaenorol, mae hyn wedi rhoi cyfle i ni fyfyrio ar ein blaenoriaethau, mireinio ein strategaeth ymchwil a chryfhau ein ffocws ar wella canlyniadau i blant, pobl ifanc a theuluoedd.
Mae ein Hadroddiad Rhanddeiliaid 2025–2026 yn tynnu sylw at gyflawniadau’r Bartneriaeth dros y flwyddyn ddiwethaf, o sicrhau cyllid ymchwil newydd a datblygu cydweithrediadau i gryfhau cyfranogiad y cyhoedd a dylanwadu ar bolisi ac ymarfer yng Nghymru a thu hwnt. Mae hefyd yn rhoi sylw i’r bobl, y partneriaethau a’r ymchwil sy’n helpu i lunio cam nesaf gwaith CASCADE.
Ydych chi’n chwilio am Ledaenu o’r radd flaenaf ynghylch pwnc gofal cymdeithasol?
Mae ExChange Cymru’n dwyn ymchwilwyr blaenllaw ac ymarferwyr a defnyddwyr gwasanaeth at ei gilydd i rannu arbenigedd, tystiolaeth ynghylch ymchwil a phrofiadau o ofal.
