Nod y prosiect yw lleihau nifer y plant sy’n derbyn gofal pan fydd mam yn mynd i’r carchar
Arolwg
Gwerthusiad o fod â gweithiwr cymdeithasol wedi’i leoli mewn dau garchar i fenywod yn cefnogi mamau – hynny yn (i) HMP Eastwood Park a (ii) HMP Send. Nod y prosiect yw cefnogi ymwneud mamau â’u plant, cadw llais mamau yn ganolog i’r broses o wneud penderfyniadau, cefnogi plant sy’n ymweld, a gwneud cynlluniau at pan fydd mamau’n cael eu rhyddhau.
Gweithgareddau/Dulliau
Byddwn yn cyfweld â – gweithwyr cymdeithasol, mamau sydd yn y carchar, mamau sy’n cael eu rhyddhau, gofalwyr a phlant. Byddwn yn arolygu ymarferwyr yn y gymuned a mamau sy’n defnyddio’r gwasanaeth. Byddwn hefyd yn casglu data demograffig ynghylch mamau sy’n defnyddio’r gwasanaeth. Mae’r gwerthusiad yn cael ei gynnal tan 2024. Ym mlwyddyn 2 byddwn yn cyfweld â llywodraethwyr carchardai i weld pa mor sefydledig yw’r prosiect.
Canfyddiadau gwerthusiad interim o ‘Together a Chance’ – Mehefin 2022
- Mae’r Gweithwyr Cymdeithasol wedi adrodd eu bod yn gweithio gyda 35 o fenywod, 19 yn Ngharchar Ei Fawrhydi Eastwood Park, 16 yn Ngharchar Ei Fawrhydi Send.
- Mae’r Gweithwyr Cymdeithasol yn gyswllt o ran rhannu gwybodaeth, ac yn hwyluso’r ymwneud rhwng mamau ac ymarferwyr cymunedol, mamau a llysoedd, a mamau a phlant.
- Mae perthnasoedd rhwng Gweithwyr Cymdeithasol awdurdodau lleol a mamau yn aml yn wrthweithiol, yn doredig eu natur, ac weithiau nid ydynt yn bodoli.
- Mae’r Gweithiwr Cymdeithasol yn rhoi cymorth i famau gyda mynychu cyfarfodydd ynghylch eu plant ac achosion llys teulu.
- Gall y Gweithiwr Cymdeithasol gynnal asesiadau rhianta a hwyluso ymweliadau, gan o bosib, leihau llwyth gwaith yr ymarferwr cymunedol.
- Mae’r gwahaniaethau rhwng y platfformau cyfarfod ar-lein mae gwasanaethau’r carchardai a thimau awdurdodau lleol yn eu defnyddio yn rhwystr o ran presenoldeb mewn cyfarfodydd rhithwir.
- Mae cyfathrebu a chyd-drafod gyda’r llysoedd yn anodd, yn aml ni cheir rhybudd digonol ynghylch dyddiadau llys, ac felly nid oes modd hwyluso cyfranogiad na phresenoldeb menywod.
- Mae Gweithwyr Cymdeithasol Together a Chance (TaC) yn meithrin ymddiriedaeth mamau trwy ddangos parch atynt a sefyll ochr yn ochr â hwy; maent yn dechrau cael effaith ar sut mae mamau yn ymgysylltu â Gweithwyr Cymdeithasol cymunedol.
- Mae’r Gweithwyr Cymdeithasol yn dangos eu bod yn gallu mabwysiadu ymagwedd sy’n canolbwyntio ar ‘y plentyn a mwy’ (child-focused plus) (Forrester et al. 2008) ac yn gallu gweithio er lles y plentyn a’r fam, ac nid yw’r gwahanol safbwyntiau o reidrwydd wedi’u polareiddio.
- Mae’r Gweithiwr Cymdeithasol wedi bod yn helpu menywod i goladu tystiolaeth ynghylch yr hyfforddiant a’r cwnsela helaeth maent wedi’u cael er mwyn ddangos lle mae newid sylweddol wedi’i wneud, yn aml dros gyfnod o ddedfryd hir.
- Ar gyfer y plant hynny lle nad yw cyswllt parhaus yn briodol oherwydd natur trosedd y fam, mae’r data cynnar hwn yn awgrymu bod cymorth medrus o ran addysgu a bod yn dryloyw gyda mamau yn cael effaith gadarnhaol ar lesiant ac yn cyfrannu at hunaniaeth y plentyn trwy waith stori bywyd.
- Mae yna enghreifftiau lle mae rôl Gweithiwr Cymdeithasol wedi bod yn fuddiol iawn i blant. Mewn rhai achosion, mae rôl y Gweithiwr Cymdeithasol wedi newid trywydd yr achos.
- Mae’r Gweithwyr Cymdeithasol yn trefnu cyfarfodydd cyswllt terfynol rhwng mamau a phlant cyn mabwysiadu.
- Mae’r Gweithwyr Cymdeithasol yn cynghori mamau sut i gyfathrebu’n well â’u plant, er enghraifft trwy fodelu pynciau i’w cyflwyno pan fyddant yn cyfarfod.
- Roedd cam-drin domestig yn nodwedd arwyddocaol ym mywydau blaenorol mamau oedd yn defnyddio’r prosiect.
- Lle mae plant yn byw gyda thadau a bod hanes o gam-drin domestig, mae materion yn bodoli o hyd yn ymwneud â negodi cyswllt â phlant.
- Mae canran uchel iawn o frodyr a chwiorydd yn cael eu gwahanu, ac mae hyn wedyn yn cynnwys mwy nag un Gweithiwr Cymdeithasol plant, weithiau ar draws gwahanol awdurdodau lleol.
- Mae’r cynllun peilot hwn yn dechrau dangos y gall mamau, gyda’r cymorth cywir, barhau i chwarae rhan ym mywydau eu plant a bod yn rhan o benderfyniadau sy’n ymwneud â’u lles, lle bo hynny er lles gorau’r plant.
Dogfennau Cysylltiedig
Person Arweiniol
| Prif Ymchwilydd | Alyson Rees |
Staff Academaidd
| Staff Academaidd | Zoe Bezeczky |
| Staff Academaidd | Charlotte Waits |
Gwybodaeth Cysylltiedig
| Cyllidwyr | PACT |
| Dogfennau Cysylltiedig | Rees, A., Staples, E. and Maxwell, N. 2017. Evaluation of Visiting Mum Scheme: Final Report June 2017. Project Report. [Online]. Cardiff: CASCADE. Ar gael: http://orca.cf.ac.uk/112243/ Rees, A.et al. 2020. Visiting mum: children’s perspectives on a supported scheme when visiting their mother in prison. Child Care in Practice (10.1080/13575279.2020.1769025) |